Nëse Adolf Hitleri arriti të nënshtrojë me sukses kombin më të arsimuar në Evropë, një meritë të madhe ka krahu i tij i djathtë, Jozef Gëbels. I diplomuar për letërsi, Gëbels ishte një mësues i thjeshtë gjimnazi në Berlin.
Kur iu bashkua nazistëve, Hitlerit i ra në sy zgjuarsia dhe oratoria e tij, ndaj e promovoi në rangjet më të larta drejtuese. Për këtë arsye, Gëbels do t’i mbetej besnik deri në fund. Ai qëndroi më Fyhrerin në bunker, dhe në fund pasi helmoi 4 fëmijët e tij vrau veten bashkë me gruan.
U rrit në një familje shumë katolike, dhe prindërit e tij shpresonin që ai të bëhej prift. Por pas universitetit, e braktisi fenë. Gëbels ishte i pari që nuhati rëndësinë e radios dhe televizionit në politikë. Ai përdori parulla mjaft efikase për të tërhequr turmat. Ndaj iu dha drejtimi i Ministrisë së Propagandës.
“Një gënjeshtër e thënë shumë herë në publik, merret gradualisht si e vërtetë”, ishte një nga motot e tij më të famshme.
