Ndërsa Polonia dhe Bullgaria janë të parat në BE që u ndërprenë furnizimet me gaz rus, ato nuk janë të vetmet vende që kanë refuzuar kërkesën e Moskës që dërgesat të paguhen në rubla – për të cilën Gazprom thotë se është arsyeja pse e ka ndërprerë furnizimin.
Vende të tjera raportojnë se po vazhdojnë të marrin gaz normalisht përfshijnë:
Austria, e cila ka vazhduar të paguajë për gazin e saj rus në euro, tha këtë mëngjes se furnizimet po vazhdonin pa kufizime. Ajo merr rreth 80% të gazit të saj nga Rusia.
Në mënyrë të ngjashme, Gjermania gjithashtu ka refuzuar të paguajë për gazin e saj në rubla. Mbrëmë, rregullatori i rrjetit të saj tha se po monitoronte situatën, dhe se siguria e furnizimeve të saj ishte “aktualisht e garantuar”.
I vetmi vend i BE-së që ofron të paguajë për gazin e tij rus në rubla është Hungaria. Ministri i Jashtëm i saj tha këtë mëngjes se furnizimet ishin normale, duke shtuar se në maj do të transferonte pagesën e radhës për gazin rus në euro për Gazprombank për ta kthyer më pas në rubla.
Burimi i lajmit: BBC. Përshtatur nga Tirana Today
