Mbi situatën gjeopolitike të krijuar së fundmi në Ballkan, ka shkruar edhe media e djathtë austriake “Die Presse”, duke theksuar se zbehtësinë e ndikimit të Brukselit në rajon mundohet ta shfrytëzojë Ankaraja dhe Moska.
“Udhëheqësit shtetërorë në Ballkan ndjekin modelin e presidentit Rexhep Taip Erdogan – udhëheqje autoritare, argumente nacionaliste dhe ekonomi neoliberale. Demokracia për ata është objektivi, jo qëllimi”, thekson eksperti i Evropës juglindore Vedran Dzihic.
Pafuqia e BE në Maqedoni vërehet te pamundësia për të bindur presidentin Gjorge Ivanov t’ia jap mandatin liderit opozitar Zoran Zaev; në Kosovë nuk mund të zhbllokojë për automjetet, urën në qytetin e ndarë të Mitrovicës; në Serbi deputetët thërrasin “Rusi” në kohën kur fjalimin e mbajnë politikanët evropianë.
Ballkani nuk i takon më Evropës, propagandoi media ruse Sputnik. Por, atje nuk përpiqet të shtojë ndikimin vetëm Moska, por edhe Ankaraja, Kina dhe vendet e Gjirit.
Por në këto kushte edhe BE nuk është e unifikuar. “Në kohën kur perëndimi i ka bërë prej vitesh presion Nikola Gruevskit për demokratizimin e vendit, ministri i Jashtëm austriak Sebastian Kurz bën fushatë për të në dhjetor 2016”, përcjell botasot.info.
Artikulli përmbyllet me paraqitjen e Serbisë si një fëmijë i mbrapshtë, që gjatë nëntë viteve përpiqet ta zgjidhë problemin e Kosovës me armë të vërteta dhe jo me komunikim, Maqedonia që ka prirje vetëshkatërruese, Bosnja që shpërbëhet vetë, Mali i Zi imagjinon veten si në “majë të botës” dhe Shqipëria që qëndron gjithë ditën “e tërhequr në fund të këndit”. /Albeu.com/
