Milani ka shpërdoruar fitoren përballë Atalantës në “San Siro” pasi ishte duke fituar deri në minutën e 92’ të takimit dhe më pas gjithçka u barazua. Kuqezinjtë ishin në avantazh dy herë dhe nuk arritën të mbronin fitoren deri në fund të takimit. Gennaro Gattuso pas ndeshjes është shprehur se në 30 minutat e fundit të ndeshjeve ekipi i tij nuk shihet me sy dhe se gjatë një ndeshje është me dy fytyra.
“Kam shumë keqardhje, por nuk jam i inatosur,” shprehet trajneri për Sky Sports Italia. “Jemi një ekip me dy fytyra. Luajtëm shkëlqyeshëm në pjesën e parë, por vuajtëm në fund të takimit. Kjo gjë ka ndodhur në katër ndeshje dhe nuk po arrijmë të bëjmë një paraqitje që qëndrueshme për 90 minuta.
Duhet të bëjmë më shumë, pasi ka shumë ndeshje për t’u luajtur këtë sezon dhe nëse nuk i mbyllin kur jemi në kontroll, do të jemi në vështirësi.
Mendoj se të ruash formën e duhur është e rëndësishme, dhe në pjesën e dytë kemi dalë nga pozicioni jonë nga kombinimi i frikës dhe lodhjes. Nuk mjafton të luash mirë, pasi nuk të jep fitore. Jemi një skuadër e re që po rritet, por në 30 minutat e fundit ekipi nuk shihej me sy.”