Ukraina ka filluar përgatitje për t’u përballur me Rusinë. Fëmijët shikohet të ndihmojnë ushtrinë në ndërtimin e strukturave mbrojtëse. Pamjet janë kapur në bregun e Detit Azov pranë Mariupol.
Presidenti i Ukrainës Petro Poroshenko dje akuzoi se Putin kërkon të aneksojë të gjithë vendin e tij.
Ai i bëri thirrje kancelares gjermane Angela Merkel që t’i vijë në ndihmën e Kievit.
https://tiranatoday.com/kunder-rusise-britania-dergon-anijen-ne-detin-e-zi/
“Mos besoni gënjeshtrat e Putinit”, tha ai për Bild, gazeta më e madhe e Gjermanisë.
“Vladimir Putin do që mbizotëron perandoria e vjetër ruse. Si Car rus, siç e sheh veten, perandoria e tij nuk mund të funksionojë pa Ukrainën. Ai na sheh si koloni të tij”, ka thënë ai për median gjermane.
Poroshenko i bëri thirrje Gjermanisë, blerësit më të mëdhenj dhe më të pasur të eksporteve të gazit të Moskës, për të ndaluar ndërtimin e një tubacioni të gazit nënujor që do të lejonte Rusinë të furnizonte direkt Gjermaninë, duke larguar Ukrainën.
“Ne kemi nevojë për një reagim të fortë, të vendosur dhe të qartë ndaj sjelljes agresive të Rusisë. Kjo gjithashtu do të thotë të ndalosh projektin e gazsjellësit Nord Stream 2”.
Gjermania e konsideron tubacionin, i cili po ndërtohet nga kompania shtetërore ruse e energjisë Gazprom, si një investim privat.
Por Merkel kohët e fundit ka pranuar “dimensionet politike” të saj dhe tha se Ukraina duhet të vazhdojë të jetë një kanal për gazin rus të shitur në Evropën Perëndimore.
Zyrtarët gjermanë thanë të mërkurën se pozicioni i tyre mbi tubacionin mbeti i pandryshuar dhe se bisedimet për sanksione më të rrepta kundër Moskës, të kërkuara nga Shtetet e Bashkuara dhe shumë politikanë evropianë, i kanë cilësuar si “të parakohshme”./Përshtati: Tirana Today/
