Tensionet mes Ianit dhe Izraelit po “përshkallëzohen dhe intensifikohen”, që pas sulmit që Izraeli bëri ndaj disa objektivave iraniane këtë javë, ka paralajmëruar një ish-zyrtar i Pentagonit.
Izraeli goditi të hënën kryeqytetin sirian, Damaskun, si pjesë e sulmit gjithnjë e më të hapur ndaj pranisë së Iranit atje. Në përgjigje, Irani lëshoi një mesazh të frikshëm për armiqtë izraelitë, duke paralajmëruar se është “e paduruar” dhe e gatshme për t’u përballur dhe për ti shkatërruar ata.
Ish-zyrtari i Pentagonit, Michael Maloof, ka paralajmëruar se situata ndërmjet dy shteteve po “rrëshqet nga duart” për shkak të “sulmeve të intensifikuara izraelite”. Z. Maloof tha për RT Amerika: “Duhet të mbani mend se sulmi i supozuar iranian ishte në përgjigje të një sulmi paraprak izraelit mbi Sirinë. Pra, në thelb, izraelitët nisën të hedhin raketa në vendet e tyre në anën e Sirisë.
Pra, kjo tregon që është një përshkallëzim shumë i shpejtë që po ndodh, dhe vetë Netanyahu pohoi në thelb se Izraeli do të intensifikohet. Unë mendoj se ky është një kërcënim shumë serioz, ndoshta do të sjellë krijimin e pasigurisë, e konfliktin më të madh brenda rajonit. Dhe kjo mund të ndodhë shumë shpejt.”
Eksperti i luftës shtoi: “Nëse izraelitët fillojnë të sjellin avionë dhe të sulmojnë objektivat iraniane unë mendoj se kjo, veçanërisht me praninë ruse atje, do të sillte një konflikt më të madh, i cili ka filluar të marrë formë”
Duke folur pasi të paktën katër ushtarë sirianë u vranë në sulmet e kryera nga Tel Avivi, kryeministri izraelit Benjamin Netahjahu lëshoi sërish një paralajmërim të ashpër ndaj Iranit dhe tha se do të godiste kundër “kujtdo që përpiqet të na dëmtojë”.
Kreu i forcave ajrore të Iranit tha të hënën se vendi ishte gati për të luftuar me Izraelin dhe për ti shkatërruar atë. Duke folur për ‘Klubin e Gazetarëve të Rinj’, një faqe interneti e mbikëqyrur nga televizioni shtetëror, gjenerali Aziz Nasirzadeh tha: “Të rinjtë në forcat ajrore janë plotësisht të gatshme dhe të paduruara për t’u përballur me regjimin sionist dhe për ta eliminuar atë nga Toka”.
Izraeli, i cili e konsideron Iranin si kërcënimin më të madh, ka sulmuar në mënyrë të përsëritur objektivat iraniane dhe ato të milicisë aleate, përfshirë Hezbollahun e Libanit, në Siri, duke synuar t’i largojë ata nga kufiri i saj.
