Është përjashtuar nga gara për KLP Kozma Jano, i cili u akuzua para pak ditësh si një ish-sigurims.
Përjashtimi i Janos u bë sot në Komisionin e Ligjeve, ku Manja tha se ndaj tij ka ardhur një kërkesë nga autoriteti i sigurimit te shtetit dhe kërkoi përjashtimin e tij. ndërsa komisioni e aprovoi.
“Autoriteti për hapjen e dosjeve te sigurimit kërkon një hetim me të thelluar për kandidatin Kozma Jano. Kërkoj nga nënkomisioni meqë ka nisur një hetim i thelluar që ky kandidat të mos jetë pjesë e shortit për anëtar për KLP nga radhët e prokurorisë”, tha Manja, kërkesë kjo që u miratua nga Komisioni.
Ndërkohë, në mbledhja e sotme është shoqëruar me debate të shumta, teksa pritet të hidhet shorti për anëtarët e Këshillit të Lartë të Gjyqësorit dhe Këshillit të Lartë të Prokurorisë (KLGJ dhe KLP).
Pas debateve ka dështuar votimi për kandidatët për KLGJ nga radhët e avokatisë, pedagogeve dhe shoqërisë civile dhe e njëjta procedure pritet të ndiqet edhe për kandidatët për KLP.
Në nisje të mbledhjes, Komisioni miratoi kërkesën e LSI për zëvendësimin e Nasip Nacos me Silva Cakën në nënkomisionin ‘AdHoc’.
Ulsi Manja tha se do të zhvillohet raundi i tretë për miratimin e listës për anëtarët e KLGJ dhe KLP, pasi Kuvendi ka rrëzuar listën e dytë në bllok për KLGJ dhe KLP, ndërsa përfaqësuesi i PD, Oerd Bylykbashi tha se shorti është farsë e radhës.
