Kreu i Partisë Demokratike, Sali Berisha gjatë një prononcimi për gazetarët u shpreh se PD deri më tani ka 12-13 kandidatë për garën e Bashkisë së Tiranës.
Ndër të tjera ai zbuloi se përcaktimi i kandidatit zyrtar do të bëhet nga koalicioni, teksa theksoi mbështetjen për kandidatura të pavarura.
Kryedemokrati i bëri komentet pasi la ambientet e SPAK.
“Deri më tani PD ka 12-13 kandidatë. Ne shpallëm një parim që mundësisht të hapemi dhe mirëpresim kandidatura të pavarura nga qytetarët… partitë. Po të shkoni në zgjedhjet e 2023, e keni dhe aty nuk është e re kjo.
Se kush do jetë kandidati do të përcaktohet nga koalicioni, normal dhe unë kam zërin tim”, u shpreh Berisha.
