Pasditen e sotme, ministri i Punëve të Jashtme të Gjermanisë, Sigmar Gabriel dhe kryeministri i Serbisë, Aleksandër Vuçiç, kanë zhvilluar një takim miqësor, ku diskutuan për procesin e anëtarësimit të Serbisë në Bashkimin Evropian dhe rolin e saj në rajon.
Gabriel u shpreh se anëtarësimi i Serbisë varet nga marrëdhëniet që ka Serbia me Kosovën.
“Fitorja në zgjedhje të jep arsye për gëzim, por edhe përgjegjësi për procesin reformues dhe zhvillimin e mëtejshëm të marrëdhënieve me Kosovën, si një kusht i nevojshëm për anëtarësim në BE”, tha Gabriel.
Ministri i Jashtëm gjerman ka uruar presidentin Vuçiç, për fitoren e tij në zgjedhjet e fundit presidenciale serbe dhe u shpreh mjaft optimist në ecurinë e vendit të tij, gjatë këtij mandati.
