Gabriel Jesus është një ndër talentet më të mirë brazilian të momentit, ai në një moshë mjaft ë re është bërë një lojtarë mjaft i rëndësishëm i Manchester Cityt. Ylli i cityzen ka folur për mikrofonat e “Four Four Two” dhe ka treguar historinë e jetës kur ishte i vogël e stërvitej në lagjet e Brazilit. Ai është shprehur se është praktikuar shumë në ambientet e një burgu që kishte afër shtëpisë dhe në ktë mënyrë ai ka humbur edhe frikën që kur ka qenë i vogël.
“Burgu ‘Romao Gomes’ ishte shumë pranë shtëpisë sime dhe duhej të stërvitesha në fushën e saj. Të burgosurit nuk ishin shumë larg, por nuk kisha kurrë frikë. Në fushën që stërvitesha, luanin vetëm policët. Unë shkoja shumë shpejt në mëngjes, thuajse në orën pesë ose gjashtë të mëngjesit. Kur luaja aty, shpeshherë më pyesnin nëse isha i dënuar apo i burgosur, por unë e merrja me të qeshur këtë gjë. Doja vetëm të luaja futboll dhe të argëtohesha”, tregon sulmuesi brazilian.
Jesus si çdo brazilian e ka pasur të vështirë të ambientohet në Europë, me futbollin dhe jetën. Ai shpreh falënderimet për nënën e tij dhe teknikun spanjoll Guardiolan që e kanë ndihmuar kaq shumë në karrierën e tij dhe kanë bërë që të jetë ai që është sot.
“Nëna ka qenë gjithmonë pranë meje duke më plotësuar çdo kërkesë apo dëshirë që unë kisha kur isha fëmijë. Madje ajo ishte perfeksioniste si Guardiola dhe më shpjegonte gjithçka me detaje. Pse mërzitem? Nuk dua që të dal në pozicion jashtë loje. Sa herë më ndodh kjo, inatosem shumë. Guardiola më tregon sekretin se si mund ta shmang këtë gjë”, thotë mes të tjerave Jesus.
