Një shumë e konsiderueshme e hedhur në llogarinë e gabuar, ka bërë një 26-vjeçare milionere për pak minuta. Atë nuk e kishte lënë ndërgjegjja, ndaj ishte konsultuar me personelin e bankës, se diçka nuk shkonte, dhe se ato lekë nuk i përkisnin asaj. Ky është ndër ato raste të rralla, ku spikat sinqeriteti nga ana e klientes.
Ellen Fleming kishte marrë një telefonatë nga një konsulent financiar i TD Ameritrade, ku ishte kliente, i cili i tha se në llogarinë e saj ishin depozituar 1.1 milionë dollarë.
“Fantastike! Mund të lë punën dhe të bëjë çfarë të dua”, kishte menduar fillimisht ajo. Por kjo ëndërr e bukur nuk zgjati shumë, pasi ato lekë nuk i përkisnin asaj.
Pas verifikimeve të kryera, konsulenti financiar i tha se paratë ishin destinuar për një tjetër kliente, e cila ka të njëjtin emër, por me banim në Florida.
“Të qenit milionere ishte një ëndërr e bërë realitet, por që zgjati vetëm 10 minuta”, tha e reja për mediat amerikane.
