Një burrë me “sy shqiponje” ka zbuluar diçka të çuditshme teksa po navigonte në Google Earth. Robert Morton, 55 vjeç, gjeti një imazh të qartë të një avioni, i cili ishte zhytur nën ujë pranë brigjeve të Skocisë.
Morton pa formën e një avioni të kapur nga Google Earth, i cili dukej se kishte rënë nën një oqean pranë Edinburgut.
Babai i tre fëmijëve e përshkroi zbulimin e tij si “të pabesueshëm dhe të çuditshëm”.
“Duket sikur është nën ujë”, tha ai për Mirror Online. Por ai pranoi se kishte më shumë gjasa të ishte një anomali që ndodhi kur një satelit i Google hapte imazhin, ndërkohë që një avion po fluturonte.
Lokacioni i avionit është më pak se nëntë milje nga Aeroporti i Edinburgut.
“Unë kurrë nuk kam dëgjuar për ndonjë avion që është rrëzuar nga Edinburgu apo ajo zonë,” tha Morton.
“E di që fotografia e aeroplanit nuk është në të vërtetë nën ujë, ndoshta sateliti po e sheh poshtë përmes reve të holla duke i dhënë asaj atë pamje”./ Përshtati
