Portieri Davide Capello, i cili aktivizohet tek Legino, është shprehur se në momentin e aksidentit në Xhenova ai ka qenë mbi urë, dhe makina e tij ka rënë nga një lartësi prej rreth 30 metrash, bashkë me urën që u shemb.
Ish-portieri i Cagliarit është shprehur se është një mrekulli që është akoma gjallë.
“Fillimisht dëgjova një zhurmë, më pas u rrëzua gjithçka. Ishte një mrekulli, unë po shkoja në Xhenova dhe isha mbi urë. 30 larg fluturuan nga shembja dhe më pas makina u mbërthye mes kolonave. Ishte e pabesueshme,nuk kam fjalë”,- ka thënë për Sky Tg 24.
Davide Capello ka luajtur me fanellën e Cagliarit, ndërkohë që ka qenë edhe pjesë e U 20 të Italisë. “E bëj shpesh këtë rrugë, është një ndër më të populluarat në Itali. Pash fundin e rrugës të binte, ishte e frikshme. Nuk e di se si makina ime nuk ra”, tregon ai.
