Edhe pse është skuadra kampione dhe ka arkëtuar të ardhura marramendëse nga pjesëmarrjet në Ligat e Evropës, Skënderbeu është në kaos. Lojtarët ditën e sotme nuk kanë pranuar të dalin në stërvitjen e sotme për shkak të rrogave të prapambetura.
Ata kanë biseduar me stafin teknik dhe ia kanë bërë të qartë se nuk do stërviteshin deri në momentin që nuk u jepet një sqarim nga presidenti Takaj se pse nuk janë paguar tre muajt e fundit, në të kundër nuk do stërviteshin.
Dhe kështu ka ndodhur, askush nuk ka dalë në kompleksin stërvitor. Trajneri Orges Shehi është parë të bisedojë me mesfushorin Gjergji Muzaka, e më pas skuadra është shpërndarë. Një situatë kritike, por mbetet për t’u parë tashmë reagimi i klubit.
