Një futbollist i Premier Ligës u arrestua me dyshimin e abuzimit seksual me të mitur. Futbollisti në fjalë është anëtar i klubit anglez Everton dhe tashmë është pezulluar nga klubi në pritje të hetimeve të mëtejshme. Evertoni lëshoi një deklaratë mbi këtë çështje të hënën, duke konfirmuar se klubi ka “pezulluar një lojtar nga ekipi i parë”.
Policia e Mançesterit thuhet se arrestoi lojtarin në fillim të këtij muaji. Policia e Mançesterit konfirmoi arrestimin e një 31-vjeçari nën akuzën e marrëdhënieve seksuale me të mitur në një deklaratë të lëshuar pas arrestimit. Policia nuk ka konfirmuar ende nëse personi i arrestuar ishte një lojtar i Evertonit, por i pandehuri është liruar me kusht “në pritje të hetimit”. Policia gjithashtu zbuloi në media detaje rreth personit të arrestuar, përfshirë faktin se ai është një milioner që luan për një klub të Premier Ligës dhe gjithashtu përfaqëson kombëtaren e tij.
“Everton konfirmon që kemi pezulluar një lojtar të ekipit të parë në pritje të një hetimi policor. Klubi do të vazhdojë të mbështesë autoritetet me hetimin e tyre dhe nuk do të bëjë ndonjë deklaratë të mëtejshme në këtë moment,” tha klubi i Evertonit në deklaratën e tyre.
Për momentin, i vetmi 31 vjeçar i Evertonit që luan dhe për kombëtaren dhe ka krijuar familje është islandezi Sigurdss*n, pasi tjetri që i plotëson indiciet është Fabian Delf por që nuk luan me kombëtaren që nga 2019-a.
Kush është ky lojtar?
Islandezi, i lindur në 1989-ën, u afrua në Premier Ligë në 2012 kur u bashkua me Tottenhamin. Ai qëndroi me Spursat për dy sezone, përpara se të kthehej tek Swansea City, një ekip uellsian që luan në divizionin e dytë të ligës angleze. Që nga viti 2017 ai ka veshur fanellën e Evertonit, me të cilën ka bërë 129 paraqitje, duke shënuar 25 gola.
