Nga e hëna kur u raportua zhdukja e avionit, deri ditën e sotme kanë vazhduar kërkimet për pilotin dhe sulmuesin argjentinas Emiliano Sala. Por në një njoftim të dhënë në orën 16:15 nga kapitaneria e portit të Guernsey thuhej se nuk ka më shpresa për të gjetur gjallë Emiliano Salan.
Janë ndërprerë përfundimisht kërkimet për të gjetur avion in, me të cilin udhëtonte Sala dhe piloti ditën e hënë. Pasi kërkimet e fundit nuk sollën asnjë rezultat, kapiteni i portit të Guernsey, David Barker, ka bërë me dije me anë të një njoftimi zyrtar se nuk ka më asnjë mundësi për gjetjen e futbollistit.
Një dramë e vërtetë për lojtarin që sapo kishte firmosur për Kardifin dhe ishte duke udhëtuar me avion privat nga Nantes drejt Uellsit. Avioni është rrëzuar në det dhe gjatë kërkimeve nuk ka pasur asnjë rezultat. Futbollit është në zi.
