Kapiteni i skuadrës së Fiorentinës, Davide Astori është gjendur i vdekur në një dhomë në hotel. 31-vjeçari Astori u gjend pa jetë pak orë para zhvillimit të ndeshjes me skuadrën e Udineses.
Dyshohet se shkak i vdekjes së kapitenit dhe mbrojtësit të Fiorentinës është një arrest kardiak. Astori luante edhe me Kombëtaren Italiane.
Ndeshja me Udinesen është pezulluar. Astori iu bashkua Fiorentinës në 2016-ën nga Cagliari dhe kishte bërë 58 paraqitje për klubin.
“Kapiteni i Fiorentinës, Davide Astori, papritmas vdiq në gjumë natën e kaluar, ndërsa ishte në hotelin e ekipit duke pritur ndeshjen kundër Udineses. Ai u bë baba vetëm dy javë më parë”, shkruan FTS Football.
