Gjykata Kushtetues ndodhet në një situatë kritike. Katër gjyqtarë të saj janë shkarkuar nga detyra, pasi nuk arritën të justifikojnë pasurinë.
Sot Komisioni i Pavarur i Kualifikimit ka dhënë vendimin për Gjyqtarin e Kushtetueses, Fatmir Hoxha. Sipas KPK, subjekti për rivlerësim gjyqtari Fatmir Hoxhaj, nuk është i përshtatshëm për të vijuar punën në Gjykatën Kushtetuese.
“Në përfundim të procesit, vendosi me shumicë votash shkarkimin e subjekti t Fatmir Hoxha”, ka thënë drejtuesja e seancës.
Hoxha ka qenë gjyqtar për shumë vite dhe ishte një n ndër subjekte rivlerësimit prioritar, ku KPK ka gjetur parregullsi në dosjen e tij.
Vendimi i zbardhur për Hoxhën do të zbardhet në ditët në vijim, për të mësuar dhe arsyen e shkarkimit të tij. Hoxha është gjyqtari i pestë i Kushtetueses që përfshihet në procesin e vetingut, pas Besnik Ymerajt, Fatos Lulos, Vitore Tushës dhe Altina Xhoxhajt.
Besnik Ymeraj
Besnik Ymeraj dha dorëheqjen nga sistemi gjyqësor, mësohet se ish gjyqtari ka dhënë dorëheqjen për arsye personale dhe shëndetësore. Kujtojmë se Ymeraj zgjodh anëtar në 2013, ndërsa hoqi dorë nga mandati dhe vendimi është pranuar.
Fatos Lulo
Ndërkohë në 23 mars të këtij viti Fatos Lulo u shkarkua nga detyra e gjyqtarit e Gjykatës. Sipas KPK-së, Lulo nuk e justifikonte pasurinë e deklaruar mes të cilave flitej dhe për një shumë 480 mijë dollarë kanadeze. Po ashtu theksohet se ish-gjyqtari ka bërë deklarim të rremë të pasurisë.
Altina Xhoxhaj
Vettingu shkarkoi nga detyra edhe gjyqtaren kushtetuese, Altina Xhoxhaj pas 23 vitesh karrierë të nisur në gjyqësor në Shkallën e Parë të Tiranës, e të vazhduar më tej në Këshillin e Lartë të Drejtësisë, si edhe të mësimdhënies atje ku përgatiten brezat e gjyqtarëve e prokurorëve.
Gruaja që mban gradën “Doktor shkencash”, e cila e nisi udhëtimin në gjyqësor në moshën 25-vjeçare, nuk u konfirmua në detyrë nga Komisioni i Pavarur i Kualfikimit.
Altina Xhoxhaj mungonte gjatë dhënies së vendimit, ndërsa ishte e pranishme gjatë seancës dëgjimore, ku edhe këmbënguli se ishte në rregull me të treja shtyllat e vettingut, si pasurinë, ashtu edhe pastërtinë e figurës dhe aftësinë profesionale. “Me shumicë votash, vendosi shkarkimin nga detyra të subjektit të rivlerësimit, zonjës Altina Xhoxhaj”, deklaroi KPK.
Vitore Tusha
Ndërkohë e vetmja që ka kaluar vettingun nga Gjykata Kushtetuese është Vitore Tusha. Anëtarja e Gjykatës Kushtetuese, Vitore Tusha nuk kishte asnjë problem me pasurinë e saj, nuk kishte kryer deklarim të rremë dhe e kishte pasurinë e saj të justifikuar.
