Tre persona po luftojnë me jetën, pasi mjeti në të cilin udhëtonin ka dalë nga rruga dhe ka përfunduar rreth 40 metra në humnerë. Ky aksident ka ndodhur në orët e para të ditës, në aksin rrugor Librazhd- Qaf Thanë, në Pishkash.
Burimet paraprake njoftojnë se një mjet, furgon mallrash me targa AA 369 UF, me drejtues shtetasin M.M., 32-vjeç, banues në fshatin Vloçisht, Korçë, ka dalë nga rruga dhe ka rënë rreth 40 metra në humnerë.
Për pasojë janë aksidentuar drejtuesi i mjetit dhe dy pasagjerët, shtetasit E.M., 22-vjeç dhe K.Ç., 31-vjeç, banues në fshatin Vloçisht Korçë, të cilët po transportohen për në spitalin e Librazhdit, në gjendje të rëndë.
Ende nuk dihen shkaqet e akidentit, ndërsa grupi hetimor ndodhet në vendin e ngjarjes.
