Akademiku Artan Fuga ka reaguar sërish sot lidhur me protestën, duke e cilësuar si një revoltë shumë të drejtë studentore.
Duke iu referuar kësaj proteste, Fuga shprehet se ajo i jep shansin pedagogëve, studentëve, shoqërisë civile, prindërve e botës politike që të mbledhin mendtë dhe të mendojnë se çfarë do të bëjnë për të patur një arsim të suksesshëm universitar.
Më tej, pedagogu tregon edhe kërkesën e studentëve të cilën nuk e mbështet aspak. “Poqese protesta e drejtë degjeneron në kërkesa për të futur edhe një student në bordet qesharake jofunksionale dhe që nuk kanë asnjë legjitimitet logjik dhe administrativ, borde që i kanë shkatërruar universitetet shqiptare, atëhere gjithçka do të ishte një flluckë sapuni!”, përfundon Fuga.
Postimi i plotë:
Revoltat dhe protestat shumë të drejta studentore duhet të na japin shansin të mbledhim mendtë ne pedagogë, studentë, shoqëri civile, prindër, dikasteret, bota politike, akademi e shkencave e reformuar, intelektualë të vërtetë, jo demagogë rrugësh, që në mënyrë të përgjegjshme dhe të studjuar t’i propozojmë vetes, rinisë, kombin se çfarë do të bëjmë për të patur një arsim performant dhe të aksesueshëm universitar, çfarë do të bëjmë për të zhvilluar dijen kombëtare, cfarë do bëjmë për ta integruar dijen në shoqëri, për ta lidhur rininë me dijen, për të dhënë dije të vërtetë dhe jo përralla folklorike, sepse po futemi gradualisht dhe shpejt në hone errësire dhe po mbetemi kombi më budalla në Europë.
Poqese protesta e drejtë degjeneron në kërkesa për të futur edhe një student në bordet qesharake jofunksionale dhe që nuk kanë asnjë legjitimitet logjik dhe administrativ, borde që i kanë shkatërruar universitetet shqiptare, atëhere gjithçka do të ishte një flluckë sapuni!
