58 zyrtarë janë gjobitur pasi nuk deklaruan pasurinë në kohë apo se nuk plotësuan formularin e pasurisë në mënyrë të rregullt përgjatë vitit 2017.
Vlera totale e arkëtuar nga gjobat ndaj 58 zyrtarëve, në tre muajt e parë të 2017-ës, arrin në 11.4 milion lekë, sipas të dhënave nga Inspektoriati i Deklarimit të Pasurive të publikuara nga report tv.
Afati për deklarimet vjetore të pasurive për zyrtarët ekzistues dhe ata që për herë të parë që i nënshtrohen verifikimit nga ILDKPI është 31 Marsi, dhe rezulton se për 2017 janë 58 subjekte që nuk kanë respektuar këtë afat.
ILDKPI për të ekzekutuar gjobat nga subjektet të cilat si kanë paguar më vullnetin e tyre i janë drejtuar dhe zyrave të përmbarimit, ku në rrethe tashmë janë ekzekutuar plotësisht 31 raste.
Prej dy muajsh, ILDKPI është duke kryer verifikimin e të gjitha subjekteve deklaruese në vend, ndërsa ende nuk është bërë publike se kush janë zyrtarët e gjobitur dhe nëse ka apo jo prej tyre që janë dërguar për ndjekje penale përgjatë vitit 2017.
