Një foto në rrjetet sociale nxiti fillimisht dhunën fizike, dhe më pas shkrehjen e armëve natën e 28 Prillit, ku Erjon dhe Kelvin Jushi mbetën të vrarë.
Por pas kësaj ngjarje tragjike, frika nga hakmarrja ka bërë që disa familje të fisit Bushi në Kurbin të ngujohen. Ata u janë nënshtruar rregullave zakonore, deri kur palët të vendosin paqe midis tyre.
Mes familjeve Bushi dhe Jushi akoma nuk është futur një person që të negociojë. Ndonëse tre të dyshuarit për vrasjen e Erjon dhe Kelvin Jushit janë në pranga, burrat dhe gratë e dy palëve i janë nënshtruar zakoneve të tyre pas ngjarjes.
