Duket se protesta e opozitës ka tërhequr vëmendjen e selive të huaja në Tiranë.
Pas njoftimit të ambasadës së SHBA-ve dhe Italianë kanë reaguar dhe ambasada e Francës dhe e Holandës.
Në njoftimin e saj, Ambasada e Francës u bën thirrje qytetarëve që të jenë vigjilentë në zhvendosjet e tyre brenda kryeqytetit gjatë ditës së shtunë, pasi ekziston rreziku real për ngjarje të dhunshme.
Ndërsa Ambasada e Holandës në njoftimin e saj këshillon të gjithë shtetasit holandezë të shmangin kalimin nga zonat ku do zhvillohet tubimi i opozitës.
“Partia më e madhe opozitare në vend ka bërë thirrje për një protestë masive kundër qeverisë në kryeqytetin Tiranë, më 13 maj.
Monitoroni mediat lokale dhe ndërkombëtare dhe kujdesuni e merrni të gjitha masat për të shmangur protestat dhe demonstratat politike.
Nëqoftëse e keni të mundur, shmagni kalimin në sheshin qendror të Tiranës, sheshin ‘Skënderbej’, bulevardin, sheshin ‘Nënë Tereza’ dhe zonën e ish-bllokut. Një paradë e komunitetit LGBT pritet gjithashtu të organizohet të shtunën në qendër të Tiranës. Stafi i Ambasadës së Holandës në Shqipëri ka këshilluar që të shmangen edhe këto ngjarje, sepse në të njëjtën datë do të mbahet edhe protesta e opozitës” shkruhet në njoftimin e ambasadës Holandeze.
