Është ndeshja më e rëndësishme për ta dhe e kanë pritur me shumë emocion. Bëhet fjalë për Suedinë e cila e ka pritur Italinë në një stadium të tejmbushur dhe që nuk ndalon së brohorituri, të jep më shumë përshtypjen e një stadiumi në Amerikën Latine.
Në fillim të ndeshjes, para se të zbrisnin lojtarët në fushë ka qenë një koreografi spektakolare. Ku janë fikur dritat dhe është valëvitur një bluzë e kombëtares suedeze dhe mbi të shkruhej “ne betohemi për Suedinë”. Kjo lloj tifozerie nuk është në natyrën e tyre, por duket se janë duke e përjetuar shumë “luftën’ me Italinë për një vend në Botëror.
