Qytetarë francezë janë mbledhur për të protestuar si dhe kanë ndërtuar një mur rreth hyrjes së një ish-hoteli për të parandaluar përdorimin e tij si strehë për emigrantët.
Muri është ndërtuar ë qytetin jugperëndimor të Francës, në Séméac, ku dhjetëra banorë ngritën një mur rreth 18 metra të gjatë dhe 1.8 metra të lartë, rreth hyrjes së një ish-hoteli për të parandaluar përdorimin e tij si strehë për emigrantët.
Sipas tyre, autoritetet lokale nuk kishin diskutuar me ta lidhur me planin për të strehuar deri në 85 emigrantë në këtë ndërtesë, ndërsa nga autoritetet franceze nuk ka pasur ende një reagim rreth murit.
“Ne nuk jemi kundër marrjes së emigrantëve, por ju duhet të merrni parasysh qytetarët”, tha Laurent Teixeira, një zëdhënës i grupit.
Sipas banorëve, qyteti i tyre është i vogël dhe nuk do të ishte në gjendje të përballonte emigrantët.
