Duket se krimi i dyfishte qe tronditi te premten Tiranën, ku i riu Xhafer Mata vrau ish të dashurën e tij Xhuljeta Çuni dhe me pas veten, është ende i pabesueshëm për miq dhe të afërm te të dy viktimave. Ne profilin në Facebook të Xhaferit, vijojnë të jenë të shumta reagimet nga miq, te njohur, shokë, por edhe të panjohur, që duket se e kanë kthyer në “arenë” debati teksa japin mendimet e tyre pro dhe kundra ngjarjes së rëndë.
Miq e tyre kanë ndarë në rrjetet sociale dhimbjen, por edhe trishtimin se pse kjo histori dashurie e parealizuar duhej të përfundonte në këtë mënyrë.
Në profilin e Xhaferit kanë komentuar miq të tij, disa prej të cilëve shprehen se kjo që ai bëri nuk ishte zgjidhje, ndërsa ka dhe një koment vërtetë të fortë, ku një mikeshë e tij shkruan “a mor Xhaf mbylle rininë tënde për një fekale si ajo”.
Nga ana tjetër dje u bë publike në media fakti se Xhuljeta Çuni për disa herë me radhë e kishte denoncuar Matën për përndjekje, ndërsa Policia e kishte kaluar ngjarjen me një premtim të të riut se situata nuk do të përsëritej më.
Sipas familjarëve të Xhaferit, lidhja me 19-vjeçaren kishte bërë që Mata të ndahej dhe nga gruaja e tij, me të cilën kishte dhe një djalë.
