Të paktën 10 viktima, njerëz të lënduar, shtëpi dhe makina të shkatërruara – këto janë gjithçka ka lënë pas deri tani uragani Irma, një nga më të fuqishmit në rajonin e Oqeanit Atlantik.
Prefekti i ishullit të Guadalupes, Eric Maire, thotë që numri i viktimave mund të jetë më i madh, duke qenë se ka vështirësi në komunikim me Sanit-Martin dhe Saint-Barthelemy, zonat më të goditura së bashku me Barbuda, ku era ka arritur shpejtësinë më shumë se 300km/orë.
Gjithashtu, stuhia ka prekur Porto Riko-n, ndërsa rreth 300.000 njerëz kanë mbetur pa energji elektrike.
Guvernatori i ishullit, Ricardo Rossellò, konfirmoi ndërprerjen e shërbimit në disa komuna në qendër të qytetit dhe në veri, si pasojë e rrëzimit të pemëve nga erërat e forta.
Gjendja e jashtëzakonshme së fundi është shpallur dhe në Kubë, në krahinat lindore të Guantanamos, Santiago de Kuba, Granma, Holguin, Las Tunas dhe pjesën qëndrore të Camaguey, Ciego de Avila dhe Villa Clara ku pritet të kalojë stuhia Irma.
Sipas vlerësimeve të OKB-së, uragani mund të godasë 37 milionë njerëz, ndërsa janë marrë masa për të ndihmuar personat e evakuuar, duke vendosur ekipe humanitare në zonat e prekura.
Më poshtë fotogaleria, ku mund të shihni katastrofën që ka lënë pas uragani Irma:
[ngg_images source=”galleries” container_ids=”422″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
