Foto/U largua papritur nga grumbullimi, Grezda ka një mesazh për kuqezinjtë

Eros Grezda nuk arriti të gjejë formën e duhur për të ndihmuar kuqezinjtë në dy ndeshjet e para të Ligës së Kombeve, përballë Izraelit dhe Skocisë. Ai është larguar në mënyrë të papritur nga grumbullimi, pasi qëndroi disa ditë aty dhe trajneri Panucci u bind që ai nuk ishte në gjendje për të ndihmuar skuadrën në këto dy ndeshje. Sulmuesi anësorë, që tashmë është bashkuar me gjigantët e Rangers në Skoci vinte nga një dëmtim i rëndë që e mbajti për një kohë të gjatë jashtë fushave.

Grezda do ta shoh Kombëtaren nga ekrani. Në një postim në rrjetin social “Instagram”, 23 vjeçari i uron fat kuqezinjve, ku shkruan: “Fat të mbarë vëllezër”. Takimi do të startoj sonte në orën 20:45 minuta në stadiumin “Elbasan Arena”.