Nga këto pamje, është vështirë që të konsumosh ushqime. Mashtrimet e bizneseve se po u servirin pushuesve ushqime të freskëta, tashmë janë bërë të shpeshta.
Ambiente të ndotura, ushqime të cilat kanë një kohë të gjatë në frigorifer, u jepen qytetarëve të cilët shkojnë të konsumojnë një drekë apo një darkë në restorant.
Përpos kostos së lartë e shërbimit që nuk e justifikon pagesën, qytetarët përballen më pas edhe me probleme shëndetësore.
Tre subjekte, dy me aktivitet “Restorant” dhe një “Fast-Food”, u shërbenin qytetarëve ushqime në kushte skandaloze higjene.
AKU njofton se “ndaj subjekteve, restorant “Lavdoshi”, restorant “Kapiteni” dhe Fast-Food “SpiroKreku”, janë marrë masë administrative gjobë 300.000 lekë për secilin, si dhe bllokim i menjëhershëm i aktivitetit”.
