Kanceri i gjirit po i merr jetën një ndër prezantueseve të lajmeve në BBC. Prezantuesja Rachel Bland drejton programin radiofonik “You, Me and the Big C”, së bashku me Deborah James dhe Lauren Mahon.
Rachel Bland ishte diagnostikuar me kancer gjiri në nëntor të 2016-s, po sëmundja ka avancuar shumë. Ajo e ka pranuar këtë realitet, teksa ka njoftuar se ka vetëm pak ditë jetë.
40-vjeçarja tha një muaj më parë se po luftonte për të publikuar libër kujtimesh për djalin e saj 2-vjeç, Freddie, dhe se besonte se kishte “më pak se një vit” jetë.
Ajo ka ndarë lajmin e hidhur përmes një postimi në Twitter, ku thotë se ka vetëm pak ditë jetë.
40-vjeçarja ka shkruar: “Kam frikë se koha ime ka ardhur miqtë e mi. Dhe krejt papritur. Kam vetëm pak ditë jetë, është vërtetë surreale. Faleminderit shumë për të gjithë mbështetjen që më keni dhënë”.
