Dy fëmijë të moshës 12 dhe 13-vjeçare janë kafshuar nga peshkaqenët. Fëmijët në fjalë po notonin pranë Fire Island, në New York.
Autoritetet kanë dhënë alarmin, e ndërsa bëjnë me dije se kjo është një gjë e rrallë, pasi ky incident ndodh për herë të parë në 70 vite.
Vajza 12-vjeçare dhe djali 13-vjeçar u shtruan menjëherë në spital, e më pas u lanë të lirë.
Dhëmbi i një peshkaqeni është hequr nga këmba e djalit, e ndërsa mostra e marrë do të analizohet më tej.
Lola Pollina është rrëfyer se po qëndronte në këmbë dhe uji i vinte deri në mes kur ndjeu kafshimin.
“Pashë diçka pranë meje dhe ndjeva një lloj dhimbjeje. Pashë poshtë dhe vura re një krah”, ndërsa shtoi se aty kishte vënë re se uji kishte marrë ngjyrë të kuqe. Sipas saj, peshkaqeni ka qenë 90-120 cm i gjatë.
