Pas humbjes një natë më parë me Skocinë me rezultatin 2-0 dhe lojës së dobët që treguan kuqezinjtë, tifozët kanë shpërthyer me komente. Në postimin që FSHF bëri për rezultatin e ndeshjes komentet kanë rrjedhur “lumë” në drejtim të djemve kuqezi dhe trajnerit Panucci.
Të shumtë janë ata që janë të shqetësuar për lojën që tregoi kombëtarja jonë, ndërsa një tjetër shprehet se kjo ishte ndeshja më e dobët në 6 vitet e fundit dhe disa të tjerë kërkojnë shkarkimin e trajnerit. Komenti që ka marrë më shumë pëlqime ishte: “Më shqetëson loja jo rezultati”.
Por ky postim dhe opinionet e tifozëve që komentonin duket se nuk i kanë pëlqyer aspak Federatës Shqiptare të Futbollit, e cila ka fshirë postimin në Facebook më pas.
