Foto/‘Shqiponja’ fluturon kudo, ja si e festojnë kroatët kualifikimin

Kroacia u kualifikua për në çerekfinalet e Botërorit duke mposhti Danimarkën pas ekzekutimit të penalltive. Një festë e “çmendur” nga pankina në tribunë dhe në tokën kroate. Por ajo që ra më shumë në sy ishte fakti që kroatët zgjedhin të festojnë me shqiponjë, qoftë duke e formuar me duar, por edhe duke hapur flamurin kuqezi në stadium.Pasi Rakitic godet penalltinë e fundit dhe përfundon në rrjetë, të gjithë futbollistët dhe stafi teknik u drejtuan drejt tifozërisë së tyre ndarë me ta këtë gëzim të madh. Në stadiumet e Rusisë kur luan Zvicra kanë qenë të ndaluar flamujt shqiptarë, por kroatët nuk e mendojnë kështu dhe për të treguar se janë në krahun e kuqezinjve apo për të ‘provokuar’ serbët ata kanë shpalosur dy flamuj kuqezi.Por nuk ka mbaruar me kaq, pasi në Zagreb festa ka qenë më e zjarrtë, në rrugë, lokale apo kudo që ishin grumbulluar tifozët për të festuar. Gjatë festimit ata nuk kanë nguruar që të bëjnë edhe shqiponjën e famshme të shqiptarëve.