Alpet shqiptare janë një atraksion i vërtetë turistik dhe kanë tërhequr edhe vëmendjen e portaleve të mëdha ndërkombëtare turistike.
Alpet shqiptare janë të këndshme për turistët e huaj, ku gjithnjë ë më shumë po bëhen destinacione të preferuara të tyre. Nuk është rastësi që turistët zgjedhin të vizitojnë Alpet, sidomos Luginën e Valbonës, raporton albanianews.it.
Të gjithë ata që duan të kenë informacion të domosdoshëm në lidhje me destinacionin, aktivitetet, shërbimet: nga 1 gusht, në fakt, Fondi Shqiptar i Zhvillimit ka hapur një zyrë për informacionin turistik.
Në mënyrë të ngjashme ai hartoi planin e përgjithshëm për Alpet, strategjinë e zhvillimit të zonës për 15 vitet e ardhshme, duke filluar edhe me investimet e para bazuar në këtë dokument.
Alpet shqiptare ndodhen në veri të lumit Drin dhe në perëndim të lumit Valbona. Ato përfshijnë pjesën veriore të vendit dhe përbëjnë rreth 8% të saj; ata gjeografikisht janë të izoluara, pasi rrugët që të lidhin me këto zona janë të pakta dhe jo të mirëmbajtura.
Përveç kësaj, Alpet karakterizohen nga vargjet malore, rrafshnalta dhe lugina. Mali i Jezercës ndodhet në zemër të Alpeve. Maja e malit të Jezercës, është më e larta dhe arrin deri në 2694 metra, dhe kjo është maja e dy më e lartë në Shqipëri pas malit të Korabit. Mali gjendet në veri-perëndim të Alpeve, ku gjenden e dhe Bjeshkët e Namuna me një lartësi prej 2400-2500 metra.
Lugina e Shalës
Lugina e Shalës është ndër më të mëdhatë e Alpeve Shqiptare. Ndërsa kodrat malore mes luginës së Shalës dhe Valbonës, janë të mbuluara me bimësi të dendur pyjore.
Lugina e Valbonës
Lugina e Valbonës, nga ana tjetër, paraqet, ndër të tjera, parkun kombëtar, i cili shtrihet për 8000 hektarë dhe konsiderohet mrekulli i Alpeve.
Parku Kombëtar i Thethit
Vlen të theksohet edhe Parku Kombëtar i Thethit, rreth 70 km nga qyteti i Shkodrës, është i vendosur në zemër të Alpeve. Parku në fjalë ka një sipërfaqe prej 2630 hektarësh dhe gjendet në një lartësi që varion nga 600 në 2570 metra mbi nivelin e detit.
Zonat e Razmës dhe Vermoshit
Përfundimisht, zonat e Razmës dhe Vermoshit, janë vendpushimet malore më të vizituara të qytetit të Shkodrës. Zonat janë të rrethuara me pyje pishe dhe ju mund të bëni disa aktivitete të tilla si ecje dhe ngjitje./TIRANA TODAY/
