Tre deputetët i janë drejtuar Zyrës së Emigracionit për të ndalur dëbimin e një gruaje shqiptare dhe të vajzës së saj.
Deputetët në Norfolk, të Britanisë janë të frikësuar për fatin e gruas shqiptare, e cila pretendon s droguar dhe shitur nga trafikantët do të përballet me vdekjen nëse e kthejnë në Shqipëri.
George Freeman, Richard Bacon dhe Clive Lewis kanë kërkuar një takim urgjent me zyrtarët e Zyrës së Emigracionit rreth rastit, pasi besojnë se nëse nëna shqiptare, e cila ka një fëmijë dhe është në pritje të një tjetri, do të detyrohet të largohet nga Britania e Madhe, ajo mund të bjerë viktimë e vrasjes për çështje nderi.
Ish-studentja e drejtësisë tha se ishte rrëmbyer në një traget, ndërsa ishte duke shkuar për në Itali me pushim katër vjet më parë.
Deputeti i South Norwich, Clive Lewis, tha se deputetët kishin marrë këshilla nga Sue Lambert Trust, e cila siguron mbështetje për të mbijetuarit e abuzimit seksual.
“Ata janë të shqetësuar për të, ne jemi të shqetësuar për të, ajo është e shqetësuar për veten dhe ne mendojmë se ajo duhet të qëndrojë në këtë vend dhe se kërkesa e saj për azil duhet të aprovohet,” tha ai.
Gruaja, emri i së cilës nuk bëhet i ditur për efekt sigurie, tha se në tragrt po ndihej keq dhe një grup njerëzish kishin shkuar për t’i ardhur në ndihmë. Por në vend që ta kishin ndihmuar ata e kishin troguar e më pas e kishin trafikuar si prostitutë.
Ajo kishte mbetur shtatzënë dhe kishte arritur që ti ikte bandës duke y furtur në një kamion që e kishte sjellë në Norwich, ku vajza e saj, tani dy vjeç, lindi.
“Shqipëria është një prej vendeve me përqindjen më të lartë të vrasjeve për shkak të nderit në Europë. A do ta shohë qeveria nga afër rastin e kësaj gruaje, e cila po qëndron në shtëpinë e terapistes së saj, për të ulur sa më shumë rrezikun që t’i shkaktojë dëme vetes dhe që nëse do të deportohej në Shqipëri me gjasë që të nesërmen do të mbetej viktimë e vrasjes për nder”, shtroi pyetjen deputeti britanik Bacon.
“I kam shkruar Ministrit të Brendshëm dhe e kam ngritur si çështje në parlament dhe institucioneve përkatës. Kam folur gjithashtu me Ministrin e Emigracionit dhe kam besimplotë se Clive, George dhe unë do të mund të zhvillojmë një takim që të mund të tentojmë për ta zgjidhur këtë çështje”, tha Bacon më tej duke folur për mediat britanike.
Deputeti shprehet se rreziku që kjo grua mund të vritet në Shqipëri është i madh, pasi sipas tij në disa zona rurale të Shqipërisë vrasje të tilla mbeten të larta.
“Terapistja e saj ka punuar me këtë grua për disa kohë dhe që prej rrezikut të deportimit, ajo u ofrua që ta merrte në shtëpi”.
Në artikullin e publikuar në mediat britanike, që për shkak të ruajtjes së privacisë emri i shqiptares nuk bëhet i ditur, shkruhet gjithashtu se në Shqipëri vrasjet për shkak të nderit kanë një traditë të gjatë.
Deputetët britanikë shprehen gjithashtu të shqetësuar për shëndetin e fëmijës së saj 2-vjeçar. Sipas tyre, ai nuk duhet të vihet në rrezik duke u deportuar. Sipas tyre gruas shqiptare duhet t’i jepet e drejta e saj për të qëndruar, për hir të “shëndetit të saj mendor dhe atë të fëmijës së saj”.
Burimi: BBC
Përshtati: Tirana Today
