Ngjarja e rëndë e cila ka tronditur Vlorën vetëm dy ditë më parë, është pasqyruar edhe nga mediat ndërkombëtare. Reuters, The Sun, Sky News, Herald Sun ejt kanë shkruar për masakrën me 8 të vdekur, që u ekzekutuan nga Ritvan Zykaj, kushëriri i tyre.
“Policia shqiptare thotë se ka arrestuar një 24-vjeçar shqiptar të akuzuar për vrasjen e 8 të afërmve të tij për arsye të panjohura. Ritvan Zykaj u arrestua mëngjesin e së shtunës larg fshatit të tij, 90 km në jug të kryeqytetit, Tirana, ku një ditë më parë dyshohet se vrau xhaxhain e tij, gruan e xhaxhait dhe dy fëmijët, dhe anëtarë të tjerë të fisit. Policia gjeti gjithashtu armën Kallashnikov të përdorur në krim. Zykaj akuzohet për vrasjen e më shumë se dy personave, një akuzë që mund të rezultojë në burgim të përjetshëm”,- shkruajnë mediat ndërkombëtare.
“Vrau 8 anëtarë të fisit të tij”, shkruan shtypi helen. Ritvan Zykaj u arrestua mëngjesin e së shtunës në periferi të Selenicës. Ai u gjet i fshehur në disa shkurre dhe u dorëzua pa bërë rezistencë. Motiv i masakrës dyshohet të ketë qenë konflikti për pulat, sipas dëshmive të disa të afërmve të fisit Zykaj. 24-vjeçari akuzohet për vrasje në rrethana cilësuese të më shumë se dy personave.
