Këngëtarja e muzikës pop, Demi Lovato, ndodhet në spitalin e Los Anxhelosit pasi dyshohet se është gjetur pa ndjenja për shkak të një mbidoze droge.
Sipas BBC, 25-vjeçarja u gjet pa ndjenja dhe u trajtua në vendngjarje me Naloxonë, një medikament që lufton mbidozën. Këngëtarja me famë ndërkombëtare është në gjendje të stabilizuar për momentin.
Zëdhënësi i saj tha për BBC: “Demi është zgjuar dhe është me familjen e saj të cilët duan të shprehin falenderimet e tyre për gjithë dashurinë, lutjet dhe mbështetjen. Disa nga informacionet e shpërndara janë të pavërteta kështu që ju lutemi të respektoni privatësinë”.
Lovato ka luftuar me varësinë ndaj substancave për vite me radhë dhe mendohet se është përkeqësuar javët e fundit.
