Të gjithë u njohëm me historinë e dhimbshme të 6 motrave jetime nga fshati Surrej, rreth 1 orë larg qytetit të Kukësit. Por, shumë persona dhe institucione u erdhën në ndihmë 6 motrave. Ndërsa në këto ditë të nxehta vere vajzat kanë shkuar me pushime. Në një postim të shpërndarë në faqen e saj në “Instragram” fondacioni “Fundjavë Ndryshe” shkruan: fundjavendrysheTë gjithë bashkë përballojmë çdo sfidë ♥️ #fundjavendryshe@blendifevziu”.
Kujtojmë se fati u mori babanë 6 vite me parë, dhe nënën para disa muajsh. Që nga ajo ditë, këto vajza jetime humbën kujdesin dhe dashurinë prindërore, shtëpinë, të drejtën për t’u shkolluar dhe mundësinë për të jetuar një jete normale.
Por “Fundjavë Ndryshe” dhe emisioni “Opinion”, morën përsipër të ndihmonin 6 motrat jetime. Fondacioni “Fundjavë Ndryshe” bëri një thirrje për ndihmë, një apel të madh për të gjithë shqiptarët brenda dhe jashtë vendit që sipas mundësive të tyre t’u vinin në ndihmë 6 vajzave.
Emisioni “Opinion”, i gazetarit Blendi Fevziu transmetoi së pari përmes një kronike historinë prekëse të 6 motrave, të cilat fati i braktisi duke i lënë pa nënë dhe pa babë.
Ata do të shkollohen nga Instituti Arsimor Willson, i cili ofroi mbështetjen për të gjashta vajzat me studime deri sa ato të arrijnë moshën 18 vjeç, si dhe qëndrimin e tyre në ambientet e kolegjit. Ndërsa, 6 motrat sipas drejtuesit të “Fundjavë Ndryshe”, Arbër Hajdari, do të kenë shtëpinë e tyre në Tiranë dhe në kujdestari i ka marrë xhaxhai i tyre.
