Atletico Madrid mposhti rivalët e qytetit, Real Madrid dhe u shpallën kampionë të Superkupës së Evropës. Lojtarët kanë festuar gjatë këtë triumf, pasi thyen edhe ‘mallkimin’ e humbjeve përballë ‘Los blancos’ në përballjet europiane.
Mes shumë fotove dhe “stories” bie në sy Antoine Griezmann. Francezi i “colchoneros” postoi një fotomontazh ku shihet duke u kurorëzuar nga Sergio Ramos, kapiteni i Realit.
Griezmann ka dashur të tregojë se në kryeqytetin spanjoll tashmë po “mbretëron” Atletico, ndërsa Reali ka dorëzuar fronin.
