Foto/“Fustanellë” dhe “vrima e Ozonit”, Courtois masakrohet në rrjetet sociale

Lionel Messi ka “degjeneruar” të mërkurën në mbrëmje portierin e Chelsea, Thibaut Courtois, pasi i shënoi dy gola poshtë shalëve. Një mbrëmje tmerr për gardianin belg, i cili qëndron në rangun e portierëve më të mirë në qarkullim, por jo kur ka përballë “jashtëtokësorin” Messi.

“Blutë” e Londrës u skualifikuan nga Champions League, pasi u mposhtën në “Camp Nou” me rezultatin 3-0 edhe pse rastet e krijuara nga ata ishin të shumta, por u mungoi finalizimi. Goli i parë erdhi që në minutën e 3’ nga Missi, i cili nga një kënd mjaft i vështirë, kaloi topin mes këmbëve të Courtois dhe e dërgoi në rrjetë. Por asgjë nuk kishte mbaruar, pasi Messi shënmon edhe golin e tretë të sfidës, sërish me “tunel” dhe e kthen në një natë ferri për belgun.

Sipas të dhënave të “Opta”, Courtois renditet si “i vdekuri i fundit” nga të shtatë portierët e Premier League në garën e elitës së Europës. Çuditërisht, Courtois ka pësuar 3.6 gola më shumë se sa duhet të ketë në këtë fazë.