Policia maqedonase po punon në fshehtësi maksimale për të hedhur dritë mbi vrasjen e Amit Pocestës, gruas së tij Nazmije dhe vajzës së tij Anila vetëm 14 vjeç. Ata kishin shkuar në Dibër pasi do të merrnin pjesë në një gëzim familjar.
Amit Pocesta, të moshës 54-vjeç, bashkëshortja e tij Nazmije, 53-vjeç, dhe vajza Anila, 14-vjeç, u vrarë nga të shtëna armësh në natën në mes të dielës dhe të hënës në vendin e tyre të origjinës. Policia vazhdon të hetojë për të hedhur dritë mbi ekzekutimin e egër. Nga burime jozyrtare, mediat maqedonase raportojnë se një i afërm i tyre dyshohet të jetë autori i krimit. Ndër të tjera mediat e shtetit fqinj raportojnë se ai dyshohet të ketë ikur në Shqipëri për t’u fshehur.
Familja Pocesta ka jetuar për tridhjetë vjet në Cornadella Sacile, Itali, ku lajmi i vdekjes tragjike tronditi të gjithë komunitetin. Familja kishte blerë kohët e fundit një vilë të vogël në rrugën Trento, pranë Mercatone Uno. Në kopshtin e shtëpisë është vetëm makina e parkuara dhe një qen.
Dy vajzat e mëdha të çiftit, 28 dhe 25-vjeç, të cilat i kanë mbijetuar masakrën kanë shkuar në vendin e origjinës për të marrë pjesë në funeralin de të dashurve të tyre. Prokuroria e Pordenone ka hapur gjithashtu një dosje kundër personave të panjohur. Hetimi, në këtë moment, është i pavarur dhe nuk ka lidhje me hetimin e nisur nga autoritetet maqedonase.
Burimi: ilfriuli.it
Përshtati: Tirana Today
