Një i ri nga Maqedonia me banim në Kosovë është arrestuar pasi u kap me dy pistoleta në makinë, të cilat besohet se po i trafikonte.
Policia tha se në kuadër të operacionit të koduar “URAKA 1” ka përfunduar në pranga Ylber Suma, lindur në Shkup, Maqedoni dhe banues në fshatin Dimcë, komuna Hani i Elezit në Kosovë.
Gjatë kontrollit te automjetin “Alfa Romeo” me targa SK3771AD, të cilin e drejtonte i riu, policia gjeti 2 armë zjarri tip pistoletë, dy krehëra dhe 5 fishekë. Suma dyshohet se këto armë i kishte futur nga Maqedonia, me qëllim për t’i shitur ato me pas në qytetin e Elbasanit, kundrejt vlerës 500 Euro copa.
Njoftimi i policisë
Prrenjas, Elbasan
Goditet aktiviteti kriminal në fushën e Trafikimit të armëve të zjarrit dhe municioneve luftarake.
Finalizohet operacioni policor i koduar “URAKA 1”.
Sekuestrohen dy armë zjarri Pistoleta dhe fishekë.
Arrestohet në flagrancë poseduesi i tyre, 32 vjeçari nga Maqedonia me banim në Kosovë.
Në vijim të punës për parandalimin dhe goditjen e veprimtarisë kriminale, në bazë të informacioneve të marra në rrugë operative-ligjore nga ana e Specialistëve të Hetimit të Krimeve dhe Specialistët për Hetimin e Trafiqeve të Paligjshme dhe Narkotikeve, në Drejtorinë Vendore të Policisë Elbasan, pas një pune të mirëorganizuar është finalizuar operacioni policor i koduar “URAKA 1”.
Si rezultat i operacionit, në vendin e quajtur fshatin Urake, qyteti i Prrenjasit është bërë i mundur arrestimi në flagrancë i shtetasit:
• Ylber Suma, 32 vjeç, lindur në Shkup, Maqedoni dhe banues në fshatin Dimcë, komuna Hani i Elezit, Kosovë,
Pasi gjatë kontrollit te automjetit tip “Alfa Romeo” me targa SK3771AD, të cilin e drejtonte vetë , policia gjeti dhe sekuestroi në cilësinë e provës materiale:
2 armë zjarri tip pistoletë dy krehëra, dhe 5 fishekë.
Ky shtetas këto armë zjarri bashkë me municionet përkatëse, i kishte futur në mënyrë të kundraligjshme nga Maqedonia, me qëllim për ti shitur ato me pas në qytetin e Elbasanit, kundrejt vlerës 500 Euro copa (pistoleta).
Materialet i kaluan Prokurorisë Pranë Gjykatës së Krimeve të Rënda Tiranë, për veprën penale “Trafikim i armëve të zjarrit dhe municioneve luftarake” të parashikuar nga neni 278/a i Kodit Penal
