Një stuhi e madhe ka sjellë një sasi rekord bore në qytetin e Erie në ditën e Krishtlindjeve, duke detyruar zyrtarët të deklarojnë një gjendje të jashtëzakonshme. Dëbora, e cila arrinte në një lartësi prej 86 centimetrash, mbuloi qytetin dhe zonat përreth në shtetin e Pensilvanisë.
Policia paralajmëroi shoferët se “rrugët janë të rrezikshme dhe të pakalueshme”, ndërsa parashikohet që një sasi edhe më madhë të bjerë ditën e sotme. Zyrtarët thonë se stuhia e madhe e borës është rezultat i efektit të liqenit, kjo ndodh kur ajri i ftohtë kombinohet me ujërat e liqenit.
Një numër i makinave dhe shtëpive “u varrosën” në dëborë, ndërsa disa banorë u desh të largoheshin. Dyqanet dhe qendrat për kujdesin e fëmijëve u mbyllën, disa fluturime nga aeroporti ndërkombëtar i Erie u anuluan.
Ndërkohë, përdoruesit e mediave sociale kanë publikuar fotografi të mrekullueshme nga zona. TIRANA TODAY
