ë një ceremoni solemne të zhvilluar në Pallatin e Brigadave, Presidenti i Republikës, Ilir Meta vlerësoi me “Dekoratën e Flamurit Kombëtar” Presidenten e Kroacisë, Kolinda Grabar-Kitaroviç.
Vlerësimi u bë me motivacionin “”Për kontributin e çmuar në intensifikimin e gjithanshëm të marrëdhënieve midis Republikës së Shqipërisë dhe Republikës së Kroacisë; për forcimin e mëtejshëm të miqësisë shumëshekullore midis popullit shqiptar dhe atij kroat; si dhe për mbështetjen e pakursyer në kuadër të procesit të integrimit të Shqipërisë në Bashkimin Evropian”.
Presidentja e Kroacisë, me ftesë të Presidentit Meta, po zhvillon një vizitë dy ditore në Shqipëri, ku të enjten pritet të mbajë edhe nj fajlë përshëndetëse në Kuvend.
Në fjalën e tij në ceremoninë e dekorimit të Presidentes së Kroacisë, Presidenti Meta tha se “Shqiptarët dhe kroatët kanë ndërtuar në shekuj lidhje të fuqishme miqësie e bashkëpunimi.
“Sot demonstruam edhe një herë dëshirë dhe vullnet të përbashkët për t’i çuar më përpara e forcuar marrëdhëniet në të gjitha fushat, ku padyshim ai ekonomik e kulturor mbeten ndër prioritetet tona kryesore. Së shpejti do t’i ngremë ato në nivelin e Partneritetin Strategjik, në dobi të marrëdhënieve midis dy vendeve, por edhe të rajonit tonë të përbashkët”, tha Meta.
Ndërsa Presidentja e Kroacisë, pasi mori në dorëzim dekoratën më të lartë të shtetit shqiptar, tha: “Ju falënderoj zoti President për këtë nderim, që në fakt nuk është vetëm për mua, por edhe për popullin kroat, duke më akorduar Dekoratën e Flamurit Kombëtar! Ky titull që po marr është simbol i një miqësie të thellë mes vendeve tona, veçanërisht mes shqiptarëve dhe kroatëve dhe u jam mirënjohëse si ju personalisht, po ashtu dhe Shqipërisë.”
Por, në finalen elektrizuese të Kupës së Botës, Kolinda Grabar-Kitaroviç mbante veshur fanelën e kombëtares dhe më vonë, duke sfiduar shiun, falte vetëm buzëqeshje dhe përqafoi çdo lojtar të ekipit, ndërsa fituesit merrnin medaljet.
Presidentja kroate rezultoi ylli i turneut gjigand. Komentet lavdëruese vërshuan lumë për lideren që udhëtoi drejt Rusisë me paratë e veta në klasin ekonomik dhe që ndeshjet shpesh i pa nga shkallët e stadiumit me të tjerët e jo nga tribuna VIP.
Duke vepruar në këtë mënyrë, Kolinda e përforcoi imazhin e saj e të qënit një President i popullit. Pikërisht këtë gjë ka kohë që e bën në Kroaci. Dhe tani e bëri edhe për sytë e mbarë botës. Grabar-Kitaroviç u zgjodh në krye të shtetit në vitin 2015 si “fytyra e pastër” e Unionit Konservator Demokratik kroat. Partia ishte përballur me një valë skandalesh korrupsioni, më i forti i të cilëve ishte ai që përfshiu ish-kryeministrin Ivo Sanader, i gjendur në bankën e të akuzuarve për korrupsion në plot 5 procese gjyqësore.
