Një aksident ka ndodhur në orët e parë të mëngjesit të sotëm në autostradat Tiranë-Durrës. Një autobus që po dërgonte disa pushues për tek Gjiri i Lalëzit, është përfshirë në një aksident, ku fatmirësisht sipas një dëshmitari që shkruan për “Tirana Today”, nuk ka të lënduar.
Ndërsa, dëshmitari bën të ditur se shkak i aksidentit ka qenë një makinë tip BMW, që i ka prerë rrugën autobusit. Shoferi ka frenuar për të parandaluar një përplasje të mundshme, por qnjë makinë që ishte pas autobusit është përplasur me të. Makina që ishte pas autobusit dhe që është përplasur thuhet se është bërë copë-copë, por fatmirësisht nuk ka të lënduar.
Ndërsa mjeti i cili ishte bërë shkak i aksidenti është larguar me shpejtësi nga vendngjarja, dhe policia është vënë në kërkim të drejtuesit.
Sakaq bëhet e ditur se pasagjerët në autobus janë përfshirë në panik. Pas procedurave të policisë ata kanë vijuar udhëtimin me të njëjtin autobus. Ndërkohë policia është në vendin e ngjarjes dhe po heton rrethanat e aksidentit./Tirana Today/
