Për një tifoz të Juventusit të shohë legjendën e klubit me një fanellë tjetër është mjaft e vështirë. Por kjo gjë tashmë ka ndodhur dhe për atë që gardiani ka dhënë për ngjyrat bardhezi do ta ketë mbështetjen kudo që të luaj. Dita e sotme ishte dita e parë e fazës përgatitore për Paris Saint Germain dhe në stërvitje është shfaqur edhe Gigi Buffon.
Këtë mëngjes, ai ka mbajtur seancën e parë stërvitore me ekipin dhe bashkëlojtarët e rinj. Madje ai ka filluar të shpërndajë foto dhe video në rrjetet sociale, përfshirë një foto me Marco Verrattin. Rrugëtimi i ri i Buffon jashtë Italisë fillon sot, dhe siç tregojnë fotot, ai duket shumë i lumtur.
