Alban Hoxha para pak ditësh ishte në qendër të vëmendjes për shkak të disa fotove. Ai u kap teksa “kafshonte” në faqe një vajzë, në një ambient me muzikë e alkool. Duket se kjo sjellje e kapitenit nuk është kaluar pa u komentuar edhe në mbledhjen e ekipit të Partizanit.
Mësohet se drejtuesit e lartë e kanë kritikuar kapitenin, pasi me veprimet e tij nuk mund të merrej si shembull për të rinjtë. Ndaj tij është kërkuar që skena të tilla të mos përsëriten më, kryesisht të pasqyruara në rrjetet sociale.
Sjellja e Hoxhës në javën e fundit i ka surprizuar të gjithë, pasi kapiteni i të kuqve gjithnjë ka qenë diskret dhe i rezervuar me jetën e tij private.
Alban Hoxha nuk luajti as ndaj Luftëtarit, pasi u kthye i dëmtuar nga grumbullimi me Kombëtaren.
