Me rastin e 28 Nëntorit, festës kombëtare të Shqipërisë , Ditës së Flamurit, në godinën e komunës së Preshevës, përveç flamurit serb, është vendosur flamuri shqiptar. Por gjithashtu dhe në godinën ë kominës së Bujanocit, përveç flamurit serb dhe atij të BE-së, është vendosur dhe flamuri shqiptar.
Edhe pse ligji nuk lejon shfaqjen e flamujve kombëtar të vendeve të tjera, flamuri shqiptar u vendos gjithashtu në godinën e Këshillit Kombëtar të Shqiptarëve.
Nxënësit e shkollave fillore dhe të mesme në Bujanoc kanë veshur bluza të kuqe me simbol e shqiponjë dy krenare.
Në fshatin Bujanovac të Konçulit, që ndodhet pranë kalimit administrativ me Kosovën, u shfaqën disa flamuj shqiptarë, njoftoi media lokale.
Më tej artikulli i gazetës serbe, thuhet që kontrollohet nga presidenti i Serbisë, Aleksander Vuçiç, raporton se përdorimi i flamurit të huaj është veprim i ndalur me ligj në shtetin serb.
Shteti mbron, por flamujt janë ende të vendosur shkruan ‘Blic’, referuar vendosjes së flamurit kombëtar kuqezi në komunat serbe të banuara më shqiptarë.
Për shkak të flamurit shqiptar, çdo vit politikanët lokalë dënohen për shkelje të ligjeve, por vazhdojnë ende ta ekspozojnë, vazhdon tutje artikulli i medies beogradase.
Në fund, gazeta përmend edhe kërkesën e Këshillit Kombëtar të Shqiptarëve në Serbi, të udhëhequr nga kryetari i Bujanocit, Jonuz Musliu, për të cilin ‘Blic’ shkruan se është i diskutueshëm, për legalizimin e flamurit të shqiptarëve, në theks të veçantë më 28 Nëntor.
“Autoritetet në Serbi kanë kërkuar nga shqiptarët që jetojnë në Preshevë, Bujanoc dhe Medvegjë që ta krijojnë flamurin e tyre, i cili duhet të jetë ndryshe nga flamuri kombëtar i vendit të origjinës, siç përcaktohet nga Ligji për Pakicat Kombëtare. Në këtë rast, ata do të kenë të drejtën të përdorin flamurin çdoherë dhe zyrtarisht, por shqiptarët nuk e pranojnë këtë kërkesë”, shkruan gazeta serbe.TIRANA TODAY
