Duket se darka e mbrëmshme me kryeministrin Rama, ka zbutur disi tensionet mes Haradinajt e Thaçit. Kryeministri i Kosovës ka zhvilluar një tjetër takim mëngjesin e sotëm me presidentin Thaçi, të cilin e ka pritur në Kryeministri.
Ky takim i tyre vjen në vazhdën e konsultimeve për agjendën shtetërore para udhëtimit të Thaçit në SHBA.
Fotoja është postuar nga Haradinaj, ndërsa duket se mes tij dhe Thaçit ka një vijimësi dialogu që mbase do të sjellë një dakordësi mes tyre lidhur me çështjen e kufijve apo taksimit të mallrave serbë.
Postimi i Haradinajt:
Në vazhdën e konsultimeve për agjendën shtetërore, sot prita në takim Presidentin e Kosovës, Hashim Thaçi, para udhëtimit të tij në ShBA.
