Dallgët e mëdha kanë bërë që mbeturinat e Shqipërisë, të përfundojnë në një prej bregdeteve më të bukura, pikërisht në Dubrovik të Kroacisë.
Ky është një shqetësim që për qytetarët kroatë është i herëpashershëm. Një foto e publikuar së fundmi në rrjetin social Reddit ka shkaktuar debat në rrjet.
Siç duket në foto, mbeturinat e ardhura nga vendi ynë kanë pushtuar bregdetin kroat, ndërsa ka nisur menjëherë pastrimi i tyre.
Në foton e postuar kanë vërshuar komentet, ku flitet për një ndërhyrje nga ana e qeverive për mbrojtjen e mjedisit.
“Cila është historia e kësaj fotoje?”, shkruan dikush, që merr këto përgjigje:
“Kur fryn era jugore, ajo sjell plehra nga Shqipëria në Dubrovnik, sepse është më afër Shqipërisë dhe sepse nuk ka ishuj për ta mbrojtur atë.”
Një qytetar kroat shkruan: Njerëzit duhet të kuptojnë se plehrat nuk janë vetëm nga Shqipëria, por nga të gjithë ne. Unë jam kroat dhe është vërtet e trishtuar të shohësh diçka të bukur të shkatërrohet./ Tirana Today
